لوﻻ الوفا ما احتاجت الناس للناس
ولو ﻻ المواقف ماعرفنا بعضنا
تلمنا الأيام مع بعض اﻻجناس
من دون ﻻنختار وﻻ أفترضنا
وتجارب الأيام تبني لنا الساس
أما أرتفعنا فوق وﻻ أنخفضنا
هذا نزوره طيب خاطر ونوماس
وهذا نجي له لأجل يقضي غرضنا
ياما ركبنا من بعيدات اﻻرماس
وياما فتلنا الحبل وﻻ نقضنا
نسعى ورا الدنيا على درب الافلاس
ونخوض ماكنا على الأرض خضنا
حلوقنا من شهب الأيام يباس
وليا سمعنا بالمصالح ركضنا
وافراحنا فوضه تحت بيض الاكباس
نلبس جديدات البشوت ونفضنا
نبذر ونرمي ماذبحنا للابساس
وللنعمه اللي جاتنا ماحفظنا
نبي نحقق شي من دون مقياس
وصوت الرعد لو لج تحته ربضنا
والله لو نجمع ذهب خام والماس
مصيرنا للموت مهما رفضنا
ياما دفنا راس غالي ورا راس
ياليتنا مما نشوف أتعضنا
ونهاية المشوار مابين الأقواس
ومن حيث ماتبدا الحياه انقرضنا
حياتنا تحسب مثل عد اﻻنفاس
واما نصانا الموت وﻻ أعترضنا
ومصيرنا ندفن تحت حمر اﻻطعاس
ليا أنتهت جانا العميل وقبضنا
أما على الجنه على النهر جلاس
ولا على الزقوووم والنار فضنا
ياربي أغفر لي واجرني من الباس
يوم الحساب ويوم ننكر بعضنا
وياربعي اتعضوا ترى الوضع حساس
توبوا وفي مافات ربي عوضنا
وصلاة ربي عد ماهب نساس
على الرسول اللي بدينه وعظنا

( بيض الله وجهك أيها الشاعر )